── 暢談帶團的苦與樂 ✨💁🏼
一個備受歡迎既DM，當初竟然令到一班初次接觸DND既新人從此遠離DND？
鴉閣地城之主，喺迷霧之中伸出黑暗既無形之手，影響穿越奇幻世界，令到現實中既玩家差啲反枱？！
DM，彷彿係TRPG世界內掌管一切既神！但係有道是「DM能載舟，亦能覆舟」…
喺DM腦海中既理想世界模樣，係咪真係可以完美俾玩家感受到呢？有無遇過一啲行為惡劣既玩家，令你好想狠狠咁懲治佢一番呢？
而作為玩家，喺聲稱完全自由既TRPG世界入邊，又有無試過玩到想現實反枱呢？
今次由兩位資深GM阿蛋同Alex同大家分享佢哋多年GM生涯既故事。
阿蛋同Alex分別擁有 13 年同 7 年帶團經驗，帶過多個DND長團，亦有自己創作既DND系列、One shot、COC等。
佢哋點樣入TRPG坑，係咩驅使佢哋會做GM？生涯中遇過咩印象深刻既玩家？又係幾時開始，產生咗自己寫原創劇情，甚至原創世界既系列作咁瘋狂既舉動？
已經帶咗數以百計團DND & COC既佢哋，又點解可以喺唔係鬼上身既情況下，仍然能夠大聲講出：「我真係好鍾意做 DM & KP 呀！！！」呢句說話？？？
喺阿蛋同Alex既分享會，由佢哋親自同你哋分享多年DM & KP既苦與樂，當中好多曲折離奇，意想不到既經歷，坐等大家，一齊傾下計，感受下作為DM不能自拔既魔力！
ℹ️ 活動詳情：
📅 日期&時間：2026年11月12日 (星期四) 19:30
🕑 時長：約 2.5 小時
📍 地點：旺角彌敦道557-559號永旺行5樓A室
👤 名額：僅限20名
💲 收費：每位120元（包飲品x1）
💬 活動形式：阿蛋 × Alex 輕鬆對談分享 + Q&A
名額有限，先到先得。有興趣者歡迎盡早報名。
📝 報名者請填寫以下表單：
https://forms.gle/kYrfto548SfUpN1R7
※ 需預先支付全額參加費用方算報名成功。
※ 如有任何想問兩位GM的問題，可在表單中相應位置填寫，兩位會在Q&A回應。問題亦可在成功報名後再後補。